Army Recruitment Rally thinener

Kohima, Metsüremi/March 16 (TYO): Bhagat Stadium, Rangapahar Military Stadium, Dimapur (Nagaland) nung April 1 nungi 4 tashi Army Recruitment Rally agitsü aliba thinenogo. India nung Corona Virus (COVID-19) tashidak pokteta tensa mejungi akümba apir iba rally thinenogo. Rally agitsü asoshi anogo mapangtong nung metetdaktsütsü.
Iba dak sendakba nung osang tejangja agitsü asoshi item phone No. 03862-249012 aser 8974958673 nung mapang inyakba anogotem nung anepdang 8:30 nungi nikongtsütsü 2:00 tashi tongteprateptettsü, ta PRO (Defence) Lt Col Sumit K Sharma-i sangdong ka ajanga metetdaktsü.