Army shimtsü sangdonger

Dimapur, September 21 (TYO): Rangapahar nungi Army recruitment officer-i, Northeast (NE) nung lanurtem asoshi ‘Army Recruitment Rally’ Kohima, Shillong aser Tamulpur (Assam) nung akatsü, ta sangdong ka ajanga metetdaktsüogo.
Iba sentong ya Kohima nung November 5 nungi 10 tashi, Shillong nung December 3 nungi 5 tashi aser Tamulpur (Assam) nung October 15 nungi 24 tashi akatsü, ta sangdong nungsa shia lir.
Iba dak sendakba nung www.joinindian.nic.in ajanga Online application angutsü. Tejangrartemi October 1, 2015 tashi nungbo register asütsüla, ta kasa sangdong ajanga metetdaktsüogo.
Temalen shia aliba rally matongdang Assam Rifles football ground, Mokokchung nung 31 Assam Rifles-i pre-recruitment rally a ayongzüka alitsü.
Iba sentongji October 1 nungi 28, 2015 tashi agitsü. Mokokchung nung jilia shimba training shibaisa ajangtetdir parnok online registration agiba nung 31 Assam Rifles-i teyari agütsütsü, ta sangdong ajanga metetdaktsü.