Arnold tasoba anogo nung Sylvester den pelatepa among

August 03, 2015: Arnold Schwarzenegger arishi küm 68 ajungba benjung nung Hollywood nung nüngtugu nisungtem aika den actor tejen Sylvester Stallone dena amung.

Terminator film nung nung tongti shilem agisang asoba anogoji July 30 nü liasü saka pai August 1 nungi 2 nü tashi iba tenüng nung benjung munga liasü.

Iba benjung ya Montage Hotel, Beverly Hills, California nung amung aser iba benjung nung tembar Stallone, Sir Elton John aser tebutsü tejenla, Maria Shriver nungera dena liasü.

Stallone-i iba benjung amungba temaitsü twitter nung Schwarzenegger den tsüngteper amai noksa kar enokja liasü.

Pai noksa ka nungbo yamai shia lir, “Arnold tasoba anogo nung jangratema amunger. Pa ya tambur makümer, pa tangsa tashi taitba lir!”