Arogo nung mission mapa inyakba ajanga ak an tashi temoatsü angur

Alokba : Laluba, na mission mapa inyakba ngur onok kanga pelar ako.
Laluba : Kechi asü yamaji pelatsüsa?
Alokba : Ato nü tenüng tu koma amshir aka?
Laluba : Lalu Beongen ta amshir ati.
Alokba : Na mission mapai aitba agi mapangsürtema tanü asüngbo kanga ayonga kümogo. Kechiyong nai choka nung sorochiok mapa ajak zep zep ta renemer alirji….
Laluba : Hauja, nai yamaji ajiteta ashiba atema pelar ko. Saka nia nükjidong ka yur inyaker.
Alokba : Hau, nü kija atema nü nükjidongji ajaki metetogo aser nguogo. Na tsübur danga.
Laluba : Wah!!! Kechi asü? Ni tai kar inyaka ali asü? Tanübo koda asü? Nai kanga nendaka kü dang asüngdanger ato ya?
Alokba : Mission mungdang ka aruli, mesüra tanga mission sentong ka aruli, ak shi alidanga nü mulung, jang otzü alidanga nü mulung, chi soro danga chipu TULUba, aon asodanga aonpu TULUba, salad yanglu danga chipu TULUba, chiyongtsü ajak nung nü teka agi amouka chidangerang aiener chiyongdaktsür. Na mission mapa nung inyakba agi ner ak an ajak tesüngmangtsüka pelatepera ya Chinüng TULUlu anüngzüka bentsürji…. Na dang yamai küm ishika inyak nungbo arogo mission ya sensak tia yakta ajurua sentsütsür kümdaktsütsüa.
Laluba : Oh!!! Alokba!!! Sayangtsüogo!!!

Lilir : email : tonti tong <ozuluyok@gmail.com>