Arogoi Khristan yimsü proktsüla: Thompson

Thiruvananthapuram (Kerala), Nov. 28 (Agencies): Kerala Chief Secretary, Jiji Thomson-i Arogotem dang, India nung Khristan yimsü proktsüla, ta tayongzükba agütsüogo.
Tawa Kottayam nung seminary ka nung jembidang pai, “Arogoi mission mapa meyipa reprangshitsüla. Nisungtem Yisu dangi anir arutsüji Laishiba ajanga tuyur,” ta ashi.
Iba o ya state Chief Secretary ka ama masü saka pa nija o lir, ta paisa shiogo.
Taküm October ita Delhi, Kerala House canteen nung nashi shi agütsüba dak sentakba nung pai ashiba agi, “Kerala House canteen nung nashi shi amshir ta asübaji ni khenyongi nunga ta ashir.” Thomson-i India nung Khristan yimsü proktsü ayongzükba o ji India nung Hindu right wing teloktemi ashishitsü südi, ta aikati bilemer.