“Arok külem”

~ L. Kika Pongener.

Arok külemi langpang ka nung chiyungra, koda tanang
Arok külemi lenmang nung jajara, koda jangyu-medem
Arok külemi yipten ka nung mejangra,koda lem-lema lir
Arok külemi longjemer tenzükra, koda temenungratsü-ka.
Arok külemi teka amteper inyakra, koda jangratemtsü-ka.

Arok külem wadang nung longjemer inyakra, koda tajung
Arok külem apangteper tsüngsang nung koda topur tajung
Arok külem sungpo aputepa lira, koda tapayutsü-ka asütsü
Arok külem kati ka den meimtepa litetra, koda tenukshitsü
Arok külemi kati ka tushitepa lira, koda temenungratsü-ka.

Arok külem longjemer yimsu asüba nung, koda – ka tashi tulu
Arok külemi bangjemer yimden tenzükra, koda – ka aküm taket
Arok külem kenbang obang ka-ser tenzükra, koda -ka temoatsü
Arok külem temulong ka ser nokdakra, idakji tamakok malitsü
Arok külem shisa mulong ka ser inyakra, koda jangratemtsü-ka.

Arok külem langpang ka nung mechiyungra, kecha tanang mali
Arok külem lenmang ka nung mejajara, koda jangyu memedem
Arok külemi yipten ka nung memejangra, kodaser talem alitsü
Arok külemi kati ka yaritepa metenzükra, teronem tanang mali.
Arok külemi teka amteper meinyakra, kecha jangratemtsü mali.

Arok külemi wadang ka nung yaritepa metenzükra mera maket
Arok külemi meinyakba mapa nungbo, kecha temoatsü malitsü
Arok külemi kati ka den sungpo aputepa melira, tapayutsü mali
Arok külemi longjemer meimtepa melitetra, temenungratsü mali
Arok külemi kati ka akümtsübua melira, kecha tenukshitsü mali.

Arok külem masü telemsa yimten nung koda-ser takok angutsü
Arok külem masü lemsar yimsu asüba nung takoksa tulu asütsü
Arok külem obang ka masü tenzükba nung kecha tajangzük mali
Arok külem shisa mulong ka masü inyakba nung jangratem mali.
Arok külem masü kati ka arishia tenzükra, kopi melii laoadoktsü.

Arok külemi longjemer tenzükba nung, koda-ka tepela tulu asütsü
Arok külemi longjemer inyakba nung, koda-ka temoatsü tulu sula
Arok külemi longjemer lennisuba nung, koda-ka terenlok tulu sula
Arok külemi longjemer jembiba nung, koda-ka takok tulu angutsü
Arok külemi longjemer shisadangba nung, koda-ka tajangzük tulu.

Ka dang nungi ana tajungba, kechiaser parnok alangra, kati pa medemerji mesotsü; Saka kija alisang aiatai, kechiaser kodang Pa alangdir, pa mesor shinga mali…. Ano ana külemi mejangra parnok lem – lema lir; saka ka kisüng koda alemtsü ? Aser kati kija alir ka kok – aka, nisung ana anema pai majettsü. Lisü asem mesentepba-bo mela- mela metokdangteter. (Sayu – 4:9-12).