Arok Osep kaket (Dictionary) asahdangba

–   T. Meren Paul, N0. 91, Lower PR Hill Kohima.

Ao Senden Literature Boardi küm aika agia kanga meranga inyakyong asen Ao Dictionary “AROK OSEP” adoktetogo. Parnok küdangsür ishikadi kanga meranga inyakba indang kaket OKILA nung shia angur aser yamaji asen Kin aser nübur ajangzüktsü aser tejakleni aotsü asoshi kanga meranga inyakba asoshi pelar aser parnok tenüng asanger. Alima yimya, ajioda arok ajungtsü karhidang nübo tenlaa inyakteter aser mapa yimya agi inyakdang aibelena aser medokmeperi karbo memeteti inyaksema adar, ajioda aibelentsüji nisunger yimya ta shin o agia ashir (to err is human), asen Aori Süngyuia kongpeter ta jembir, aser tenyakeri mayibelenra shiri aibelentsü, meinyakeri kodaser aibelentsüaji? Saka inyakyim nung aibelena aliba kodang metetjema arudir/kumdir idangji melenshia shidakbaji akir. Asen Aor tulur aser tashi temeteter mezüngpur aser parnok sülen taluk ishikabo onoka densema yimtsüng aser jila LP school nung azüngbapur aser karhtang English school nung “A for Apple” ta azüngbapur lir saka 99% Ki Ka; Kü Ki Ka, Napong ana apu teyong nung ajurutepba indang azünger rogotem lir. Abenjagi asen Aori zülumen nung “B aser P”, “C aser J”, “D aser T”, “E aser I”, “G aser K”, “I aser Y”, “O aser U” olasü koma koda amshitsülaar mebendangi jembir aser zülur. Anungji A for Apple ta mazünger telok ajak ya Tsüngremi agütsüba arishi metempangdashi ibai mepentetettsü südi kechiyong asenoki manidakteter aser anidaktsüa memeranger. Ajioda tang Arok Osep yaa Ao spelling aser olasü nung zülua lir aser talisa Kohima aser Dimapur nung alir lanurtüm asoshi tai sayuba ka asütsü. Dictionary meyangludang asenok A B C D nursery pur den amener ama ken angazükshitsüla. T aser D shidak amshiba, late Dallenamo Former Home Minister, late Er. L. Doshi Former S.E., Doshinungba (Former Director Printing & Stationeries) tain rogo rongnung par asemi shidak amshiba angur. Arok Osep nung olasü tuyuba (phonetics transcription) reprangdangra b/ ajak p agi olasü tenzüker aser p/ jia p agi tenzüker. c/ ajak t nung diacritic mark phonetics saka c agi medenzüker, d/ ajak t agi tenzüker asr t/ jiaa t agi tenzüker, e/ ajak i agi tenzüker aser i/ jia i agisa tenzüker, g/ ajak k agi tenzüker aser k/ jia k agisa tenzür, j/ ajak t nung diacritic mark agi tenzüker, o/ ajak ü agi tenzüker, u/ ajak ü agi tenzür, y/ ajak j agi tenzüker. Sürapang asen oshi zülumen nung b, c, d, e, g, j, o, u, y itüm zülujang ya menüngdak kümdaktsür, temenünütsüa aket saka tamangmangtsü ka, tatsüba agi A B C D ano makok aser mebendangteter ta sayur. Asen Aor pronouncitation majuungbaji Dr. Clark ibo kangajunga angateta liasü aser pai ashiba “As the Ao Nagas had no alphapet until the Missionary came to them, certain letter sounds were variable. There is no distinction between the sounds of b and p or d and t; also g and k frequently suffer mutation”. Olasü majungbaji ano talisa tebang sünga Sali müngümer jembidang palaka kirak kishi mülie lentene dang jembitettsü. Talisa Angami aser Jakhesang kin tumi spelling kanga shidak adoka jembir ibajagi parnoki asen Aor pronunciation menütsüba ya tim dang. Küm ishika süiaogo, medemer Angami nunger kati kü dangi WhatsApp nung- Meren, eat pipe, poor eat pipe, poor pipe, eat poor pipe, ta zülur yok aser ni pa dangi nai ashiba ya ni mangateter ta lepla yok nung pai meyipa nenok Aori pa indang mobile number yamaji ashiaja ta asayamenüa langzü. Mobile No ji- 85485 45845 asüba südi.
Ao Dictionary mezüng Dr. E.W. Clarki 1911 küm ojang merijang terika dak jiaka tapak 937 aketba kaket nung zülua doktsü. Iba original kaket ya America, England, France aser Australia nung University library karh nung Online azüngtsü angur. ABAMi 2013 küm ibai 2nd Edition adok saka spelling melenshir adok anungji originality, antiquity aser research value samadaktsüogo. Dr. Clarki Ù ü mamshi saka iba melen t u dentsüng nungji tepolung o ama ka kyiloktsü. Dr. Clarki 1911 adokba sülen küm 108 puba tang Ao Senden ASLB ajanga adokba Arok Osep nung ojang merijang tenet ser noklang ka shi keta lir aser tapak 314 nung adoka lir. Clark dictionary nungi ojang aika agiteta enoksema lir saka ano aika endokadokogo, ano medensür o tasen aika yangteta ano tzümar oshi nungia eshika apua arua amshiba angur. English oshi nung aliba ojang aika Ao nung malitsü saka English nung makaba ojanga aika asen Ao nung lir. Ao oshi ya takar sürnung asenoki sensaka bilemeba agi sensaker kümdaktsür. Kü medemer Er. Lanuakum, Retired Additional Chief Engineer Mechanical (PWD) Mongsenyimti nunger, pa kisüngiasüng ojang merijang metsür asem dak jia bendena lir saka spelling lirumedema ASLBi dictionaryji yanglutsü mekazüka ayuba agi pai mapa metenzüker ta ashi. Asen Arok Osep sayaba sülen kobi melie Kyong Dictionary ka Lotha nunger retired Govt. Officer kati küm 6/7 renteta bendena inyaker ojang lakh ka ser merijang asem aketba Kyong Osep ka pa jurilai yanglua sayaogo. Osang kaket nung ibai angudang tangar kin inyakyimbo koda tesadem aser tenükshitsüka ta kubayua züngogo. Impur nung aruagi asen Aor dang kaket shisatsü aser Khristan yimsü angazüka bener oagi parnok koda maparen ajak nung sadem sadema ainba agi asenok ajateta oadokogo ta mapa agi sayubaji asenok tangazüktsü mali no? Asen Aorbo zülumen aser nüngjakoja ratet ya nisung karhi kechi shidir ajidang agia arakbanga lir aser ibaji nunga onokibo/ozüyimeribo yamai ajar ta asür tümji Ao Senden okadaki jaoker, kü daka adaloka lir.
(Maneni asüng adok nung…)