Arr atsütepba tetoktepba Chakhesang kin-i kokogo

December 7, 2017 anogo Heritage village, Kisama nung arr atsütepba mapang tangokba noksa nung angur.

Dimapur, December 7 (TYO): 18buba Hornbill festival 2017 nung department of Youth Resources and Sports puri December 7nü Naga Heritage village Kisama nung arr atsütepba asaya ka ayongzüka kaogo.
Arr atsütepba asaya ya tetsü tebou mapang nungi Naga nunger sobaliba asaya ka lir, kong tashi, tangatettep aser timtem tekangshi aremba tendanger, aser iba ya telok ana tsüngda mesera telok aika tsüngda asayar. Iba sobaliba asaya atema arem nungi süngzü meter 10-15 tashi bener arua asayar.
Taküm küm iba tetoktepba nung kin 14-i shilem agi, aser asaya telok ka nung nisung ti ti asaya. Tetoktepba ya Chakhesang kini kokogo aser parnok nem senpet sen 20,000 agutsü. Tanabuba jenjangji Aor temi koktet, aser parnok nem senpet sen 10,000 agütsü.