Arsenal nungi Gilberto Silva asaya nungi anisüngzükogo

Rio de Janeiro, December 13 (Agencies): Tesüiba mapang Arsenal nung midfielder asüsang aser Brazil World Cup takok angur Gilberto Silva-i, pa football asaya nungi anisüngzüktsü, ta metetdaktsüogo.
Arishi küm 39 tain, Gilberto Silva-i ya 2013 December ita Atletico Mineiro club nungi asayadang temokok yiruba sülen nungi football masayateti aru, ta Xinhua osang ajanga metetdaktsü.
“Iba telemtetba agitsü ya ni asoshi kanga tasak liasü, ajisüaka temang agi memelaba ajanga lenmang melenshitsüsa aküm,” ta Gilberto-i ashi.
“Ni kanga telmulung shiranga iba asaya toktsür ajisüaka ano küsüka nungbo tepela a pelar. Ni küm 20 tashi takok ngua asaya aruba shingaia bener motettsü,” ta pai shisem.
Brazil-i 2002 World Cup takok anguba mapang pa asaya ajak nung shilem agia liasü aser iba den külemi 2006 Copa America asayamung nung Selecao club nung pa captain asüba mapang takok ngua liasü.
Arsenal-i 2003-04 nung English Premier League asayamung mapang match ka nung danga tamakok mongui asaya yonga tur takok anguba mapanga pa dena asaya liasü.