ART Centre nung tanurtem atema nutrition lemtsüogo

Tuensang, Luroi/August 26, 2019 (TYO): Antiretroviral Therapy (ART) kübok HIV+ tanurtem atema nutrition nüngdakba dak sendakba nung Tuensang DC, Mohammad Ali Shihab, IAS-i teyuba ama tanurtem atema nüngdakba nutrition lemja liasü.
Tawa, Higher and Technical Education & Tribal Affairs, Minister Temjen Imna Along-i Tuensang district semdangba mapang, pai District Hospital Tuensang (DHT) nung ART kübok HIV+ aketer tanur 74 nem nüngdakba nutrition agütsütsü asoshi Tuensang District Administration nem sen 70,000/- agüja liasü.
Item nutritions alir külen August 24, 2019 Honibarnü ART Centre, DHT nung HIV+ tanurtem nem Tuensang District Administration, DEF (Police), MS DHT, MO ART aser CKS President nunger matsüngdang lema agütsü.
Sentong nung jembiba mapang, ART Centre, DHT, Counsellor, Imjonglepa-i DC Tuensang-i aniba District Administration aser SDPO Dr. Pritpal Kaur, IPS nunger dang pelaba metetdakja liasü.
Iba sentong nungsa SDPO DEF Tuensang, Dr. Pritpal Kaur IPS, EAC Tuensang, N. Orenthung Kikon NCS, President CKS, Nungsanglemba Chang aser MO ART Centre Tuensang, Dr. Toshi nungeri jembia liasü.