Art & Culture department-i ‘Art Ensemble’ ayonger

Dimapur, November 8 (TYO) : Directorate of Art & Culture (Art Wing) November17 nungi 19, 2016 tashi ‘Art Ensemble’ ta ser sentong ka ayongzüker.
Iba sentong ya ‘Explore’ nung ajemdaker ayonger aser Directorate of Art & Culture (Art Wing), Kohima nung alitsü.
‘A thousand Art Project’ ta ser mapatong ka tenzüktsü atema iba sentong ayongzüka agitsü. Artists aser art meimertem longjemer Art Consortium ka tentettsü atema iba mapatong ya lir.
Sentong tenzükba anogo nung ‘Android Photography’ ta ser tetoktepba ka alitsü aser takoker nem android phone ka sempet agütsütsü. Anosa, kaketshirtem atema Spot Painting Competition alitsü aser iba indang omenji ‘Naga’ asütsü.
Iba tetoktepba asoshi tayongertemi Acrylic Colors aser papers agütsütsü saka tetoktepertemi pei indang brush aser color pallets amala bener arutsü metetdaktsüogo.
Tetoktepertem rongnungi tajungtiba pungu shimtsü aser parnok nem sen 5000 aser ano consolation prize angur 5 nem sen 1000 senpettem agütsütsü.
Iba sentong nung shilem agirtemi November 17, 2016 anepdang 9:30 matongdang sentong aliba tesem tonga arutsüla aser shitelm agir ajak nem kulikaket agütsütsü.