Art & Culture Dept.-i Hornbill Festival nung shilem agitsü

Kohima, November 24 (TYO): Nagaland sorkar kübok Art & Culture Department-i ‘Culturally Yours’ omen nung ajemdaker taruba December ita agitsü ayonga alibaHornbill Festival 2016 benjongmung sentong nung shilem agitsü renema lir.
Par department-i benjong amongdak tongti nung anogoshia agitsü renemba sobaliba sentong nung shilem agia, Naga kin ajunga nungi pei sobusolemtsü sayuba den tetsütebu ken tena, tsüsangtem ia sayutsü.
Public records, private records, ajaki mongutetba historical & geographical maps, osangkaket temejipzük aser tanga nung manguba kaket aser Department-i adoktsüba kakettem sayatsü, Archival Exhibition sabang lapokba den tejangrartem atema kaket azüngdaka renemtsütsü sentong aliba osang angazükogo.