Arun Jaitley-i anir HoA senden nung adentsü

New Delhi, November 30 (Agencies): Honibarnü Amritsar (Punjab) nung tenzüktsü aliba Heart of Asia Conference nung Union Finance minister, Arun Jaitley leniba nung India nunger team adentsü; iba senden nung China, US, Russia, Iran aser Pakistan densema linük 40 dak temai shilem agitsü.
External affairs minister, Sushma Swaraj temang manemba ajanga labo medentettsü.
December 4 nü tongti conference ji Ato kilonser, Narendra Modi aser Afghan Tir, Ashraf Ghani nati tenzüktsütsü. HoA nung permanent chair ji Afghanistan lir aser taküm küm atema co-chair ji India lir.
Ano ministerial conference nung co-chair ji Jaitley aser Afghan foreign minister aser ministry of external affairs nung PAI (Pakistan, Afghanistan and Iran) tongti, Gopal Baglay na asütsü, ta osangbenertemi metetdaktsü.
Tang Swaraj ya tezüngjang treatment tagidak lir aser taoba hopta lai, labo iba senden nung medentettsü ta sangdonga liasü. Afghanistan aser kidanger linüktem tsüngda security, yimtenren aser rongsenkettsüng nung amalitepa inyaktsü ajungshiteptsü nükjidong nung HoA ya tenteta liasü.