Arun Jaitley indang Budget nung NE sendok: Congress

Shillong, Tsüklai 02 (Agencies): 2018-19 financial atema Union Finance Minister Arun Jaitley-i Parliament nung Union Budget benokba den külemi Indian National Congress-i Yangtepnü Central Government aija North-east sendokogo, ta ashi.
Yangtepnü Jaitley indang budget speech agütsüba sülen osangbener den jembiba mapang, iba budget nung north-eastern region atema kicha mali aser Congress-i iba ken o ya north-east nung Meghalaya, Nagaland aser Tripura nung Assembly election nübuyim mapang benoka jembitsü, ta tang Shillong nung arua alisang, Congress odongtar, Tom Vadakkan-i ashi.
Vadakkan-i Budget sashia aitsüba mapang, linük rongsenketsüng tajemzük tia nung lir aser nüburtemi Budget nungi timla tulu liasü, ta ashi.
Pai-sa Narendra Modi sorkar aija jembidang, demonetization ajanga employment opportunity lenmang aika nokdangogo, ta shisem.
Rajasthan by-polls nung Congress teloki takok anguba indang jembisema, Bharatiya Janata Party-i lesson kar angazüktsüla, mesüra kasa tia ji Meghalaya, Nagaland aser Tripura nung ataa alitsü, ta Vadakkan-i ashi.
Tripura nung election ya Tsüklai 18 nung agitsü aser Meghalaya aser Nagaland nung Tsüklai 27 nung agitsü. State asemprong nung vote ya Metsüremi 3 nungi azüng tenzüktsü.