Arunachal Angh Hornbill Fest nung adentsü

Kohima, December 08 (TYO): Tang Kisama Heritage Village nung temongdak, Hornbill benjungmong, anogo 9nübuba (December 9) nung tongti tesemdangerji Arunachal Pradesh Angh, Brigadier, Dr. B.D. Mishra, Retd asütsü, ta tanü PRO, Raj Bhavan sangdong ajanga metetdaktsü.
Angh, Mishra December 9 nü state yimtiba, Kohima tonga arutsü, aser Raj Bhavan, Kohima nung anenzüktsü; Pa den pa kinüngtsü Neelam Mishra densema arutsü.
Hornbill benjung nung adentsü atema Nagaland Angh, P.B. Acharya-i Arunachal Angh jaoka liasü.