Arunachal, Assam, Nagaland nung ano tzünglu sashia arutsü

Guwahati (Assam), September 03, 2017 (Agencies): Linük kübok northeast state tem aser Sub-Himalayan West Bengal den Sikkim nung tzünglu kanga arudar, aser maneni anogo ana- asem tsüngda Arunachal Pradesh, Assam, Nagaland aser Meghalaya state tem nung tzünglu sashia arutsü, ta osang ka ajanga metetdaktsü.
August ita piyong item state tem nung tzünglu kanga aruogo, aser maneni September ita nunga item state nung tzünglu kanga arutsü.
Hokolbar anepdang 8:30 ako nungi tenzüka ghonda 24 tsüngda Cherrapunji nung tzünglu 142 mm tashi aru, Pasighat nung 100 mm, North Lakhimpur nung 70 mm, Agartala nung 65 mm, Dhubri nung 51 mm, Itanagar nung 38 mm, Mazbat nung 37 mm, Shillong nung 37 mm, Jorhat nung 32 mm, Tezpur nung 25 mm, Goalpara nung 21 mm, Tawang nung 20 mm aser Anni nung 14 mm arua liasü.
Ano maneni taruba anogo ana-asem tsüngda Arunachal Pradesh, Assam, Meghalaya aser Nagaland nung tzünglu sashia arutsü, ta Skymet Weather osang ajanga metetdaktsü.
Kasa mapang nungsa Manipur, Mizoram aser Tripura nunga tzünglu tera arutsü.
Sub-Himalayan West Bengal den Sikkim nunga tzünglu tera mesüra teyari ka arutsüa akok, ta kasa osang ajanga ashi.