Arunachal BJP-i train lenmang tekaraba nung yanglutsü mepishir

Itanagar, August 28 (Agencies) : Arunachal Pradesh BJP unit tir Tapir Gao-i anir ketdangpurtemi New Delhi nung Railway Minister, Suresh Prabhu dang Pasighat jila nung railway connectivity dak sendakba onüktem lemsatep.
Hokolbarnü parnok senden amendang Gao-i Union minister dang Assam kübok Murkong Selek railway station nungi Pasighat jila tashi yangluba train lenmang tekaraba nung yanglutsü atema mepishia metetdaktsü.
Gao-isa minister dang Railways-i linük nung tanga tesemtem nung ali temenok agütsüba ama Arunachal Pradesh nung temenok agütsütsü atema mepishi.
Railways-i train lenmang yanglutsü atema agiba aliji tsünüsenbongdak li lir aser item ali nung tanga alu yimdar. Anungji ali atema temenok shitak agütsütsü, ta Gao-i ashi.
Pasighat tashi train lenmang sendaktepba ajanga Arunachal Pradesh kübok Siang aser Dibang Valley nung rongsenren tsütsü tajangzük jenti angutsü, ta paisa metetdaktsü.