Arunachal cabinet-i mapa tasen 1309 kümtettsüba melaogo

Itanagar, October 26 (Agencies): Arunachal Pradesh cabinet-i sorkar school tapu balala nung teaching aser non-teaching mapa 1309 tasen kümtettsüba asoshi temelaba agütsüogo.
Item mapa rongnungi 1130 bo tesayurtem lir, koba nung mapa 349 science aser mathematics tesayurtem lir.
Sorkar otongdar Bamang Felix-i ashiba agi, higher secondary schools atema principal mapa teku kümtettsüba asoshia telemtetba agiogo.
Secondary schools tem atema mapa 857 asütsü, koba nung head masters/vice principals 83, aser tangazükba shidak nagur aliba graduate tesayur parnok 744 asütsü.
Maneni cabinet senden nungsa State Council for Education Research and Training, District Institute of Education and Training aser Block Institute of Teachers’ Education atema tesayur mapa tasen 57 aser non-teaching staff mapa 55 kümtettsüba atema telemtetba agiogo.
Kasa mapang nung ano iba senden nungsa cabinet-i Directorate of Elementary Education kübok mapa tasen 18 kümtettsüba atema telemtetba agiogo.
District tasen ka kümtetba sülen, tenüngdakba mapa tem atema jenjang balala nung mapa tasen 49 kümtettsüba atema cabinet-i telemtetba agiogo.
Felix-isa ashiba agi, cabinet-i mapa nung nisung shimokba maparen ya sorkar inyakyim nung aliba ama Arunachal Pradesh Public Service Commission ajanga agitsü.