Arunachal Cabinet-i ‘special session’ agitsü lemtet

Itanagar, August 21 (Agencies) : Arunachal Pradesh nung Goods & Services Tax (GST) mapa küma tenzüktsü atema ‘special’ session ka alitsü Arunachal Pradesh Cabinet-i mulunga agizükogo.
Ajisüaka, iba session agitsü indang anogo ano meshim lir.
Honibarnü Chief Minister Pema Khandu-i anir Cabinet senden ka amendang ‘special session’ agitsü mulunga agizük.
August 15, 2016 nü Khandu-i 70 buba Independence Day onük jembidang, India sorkari lateta aliba ama state sorkari Arunachal Pradesh nung GST mapa küma tenzüktsü mulunga lir ta metetdaktsü
“GST mapa küma inyakba ajanga Registration, Return Filing aser Refund Claims inyakyim tezüba akümtsü, kechiyong ajakji online system ajanga dang inyaktsü” ta pai ashi.
Cabinet senden nung chief minister-i Independence Day nung jembiba onüktem benoka lemsatep aser parnoki Commissioner aser Secretary ajak dang mapang lateta yur GST mapa tenzüktsü atema teuyuba agütsü.