New Delhi, August 18 (Agencies): Hokolbarnü Arunachal Pradesh Chief Minister Pema Khandu-i India Tatong Tir Venkaiah Naidu den ajurutep.
Chief Minister Khandu den State BJP President Tapir Gao, Union MOS Home Kiren Rijiju, Deputy Chief Minister Chowna Mein, WRD Minister Kamlung Mossang, Art & Culture Minister Dr Mohesh Chai aser Planning Parliamentary Secretary Zingnu Namchoom nungertem liasü.
Chief Minister-i Naidu nem tenüngsang agütsü aser pai Union Minister ama inyakdang Pasighat nem Smart City jenjang agütsüba atema pelaba metetdaktsü.
State sorkari Smart City Mission kübok Itanagar dendaktsütsü atema asüngdangba ama Naidu-i mulunga agizükba atema Khandu-isa pa dang pelaba ashi.
Khandu-isa Naidu dang Arunachal nung Film and TV Institute lapoktsüba aser Doordarshan channel- ArunPrabha tenzüktsüba atema pelaba lemsatep.
PM Narendra Modi lenisüba kübok mapa inyakba atema kanga pelar, kechiyong Modi-i ita ana shia BJP-i sorkar abenba state tem nungi CM den review meeting agir, ta Arunachal chief minister-isa senden nung ashi.
Naidu-i Khandu dang nübortem atema bendanga agüja mapa inyaktsü aser tangari tatishitsü süa anidaktsü atema mapa inyaktsü tayongzükba agütsü.
You must be logged in to post a comment Login