Arunachal Congress-i Modi’er sorkar aitsür

Itanagar, Luroi (August) 24 (Agencies): Narendra Modi-i aniba BJP sorkari Kerala nem nüngdakba teyari magütsüba atema Arunachal Pradesh Congress Committee (APCC)-i aitsü.
“Centre sorkari foreign donation magizüker saka tang tashi nung PM Modi-i sen crore 500 dang agütsütsü sangdonga lir, ajisüaka iba yagi Kerala nung mapa inyaktsü meperir,” ta APCC otongdar Mina Toko-i ashi.
Modi’er sorkari sen tera dang agütsütsü nangzükba dak alia tanga teyari kechisa agüja lir ta APCC-isa asüngdang.
“Nisung asürtem teimba akümer, rongsen aika samaogo, nisung aika talidak maka aser tzümetsüng agi timtemertem koda masü tia ka nung lir. Iba lendong nung sen crore 19,512 akoksaba asadangtetogo saka PM (Modi) bo BJP-i sorkar kümteta aliba state tem nung mazüngi senzür” ta parnokisa ashi.
Kerala-i nüngdakba ama PM-i teyari agütsütsüla aser Pema Khandu-i aniba State BJP sorkaria Kerala nem tenla agütsütsüla ta APCC-isa takhangba agütsü.