Arunachal Congress president inyaktsü atema Nabam Tuki shim

Guwahati, August 2 (Agencies): Arunachal Pradesh Congress Committee (APCC) nung President inyaktsü atema taoba Arunachal Pradesh chief minister Nabam Tuki shimogo.
All India Congress Committee (AICC) president-isa Arunachal Pradesh State Assembly nung Congress Legislature Party lennir inyaktsü atema MLA Lombo Tayeng shim.
Nabam Tuki ya Sagalee Assembly constituency nungi MLA lir aser pai Takam Sanjoy melenzüktsü.
Lombo Tayeng ya Mebo Assembly constituency nungi MLA lir aser pai Takam Pario ket nungi CLP lennir mapa melenzüktsü.
AICC general secretary K.C. Vebugopal-i sangdong ka nung Nabam Tuki aser Lombo Tayeng na shimba osang metetdaktsü.
Paisa, taoba PCC President Takam Sanjoy aser CLP Leader Takam Pario nati mapa tajung inyakba atema pelaba shisem.
Tripura Pradesh Congress Committee (TPCC) president Pradyot Kishore Manikya Deb Barman-ia Nabam Tuki shimba atema pelaba metetdaktsü.
“Arunachal Pradesh nung PCC president inyaktsü atema Nabam Tuki shimba atema ni kanga pelar. Ni youth congress mapang nungi pai kü nem shisatsü tajung agüja arur” ta TPCC president Deb Barman-i Twitter nung metetdaktsü.