Itanagar, July 15 (Agencies) : Honibarnü floor test agitsü aliba sentong thinenang ta Chief Minister Nabam Tuki-i temepishiba agütsü saka Arunachal Pradesh Governor Tathagata Roy-i Hokolbarnü ibaji magizük.
Ano, külen Assembly Speaker Nabam Rebia-i tanü ashiba agi, mapang tatsüka tsüngda nung session alitsü jateptsübaji tamakoktsü.
“Session ka jazüktsü atema inyakyim ka lir. Parliamentary affairs department nungi shidi ka arutsüla aser onoki osangtem sangdongtsüla” ta paisa ashi.
Tanü Tuki-i Arunachal Angh, Roy den ajurutep aser iba mapang pai Roy dang floor test ji anogo 10 bosa thinentsü atema asüngdang.
“Legal experts-i ashiba nung ajemdaker, ni Angh dang mapang talila meshisem” ta Tuki-i osangbener dang ashi.
You must be logged in to post a comment Login