Arunachal nung Journalist ka anema inyakba atema head constable ka anentsü

Itanagar, September 22 (Agencies): Mongolbarnü Arunachal Pradesh ghonda 12 mokdangba mapang nung Itanagar yimti nung osangbener ka dak azükba atema head constable ka mapa nungi anentsü, ta tanü police osang ka ajanga ashi.
State media-i iba tatalokba nung ajemdaker FIR ka agütsüba sülen Brihostibarnü Capital complex SP Sagar Singh Kalsi-i iba telemtetba agia liasü. Parnokisa Home minister nema temepishiba shidi ka agüja liasü.
Home Minister, Kumar Waii-i Arunachal Press Club (APC), Arunachal Pradesh Union of Working Journalist (APUWJ) aser Arunachal Electronic Media Association (AEMA) dang aibelener nem tapet temerenshi agütsütsü, ta nangzükb ama inyakogo.