Arunachal nung Major ka dena telungpur 3 tepset

Kohima, Yimpoksüi/November 19 (TYO): Tesem nung yimjung aser tesünep alitsü atema DAO Division kübok security sepaitemi operations maneni odar; yamaji Khonsa battalion sepaitemi operation aoba mapang nung Tirap district nung NSCN telungpur asem tepset, ta tanü Col C Konwer PRO (Defence)-i sangdong ka ajanga metetdaktsü.
Arunachal Pradesh kübok Tirap district nung NSCN telungpur aliba aser parnoki sen akhangtsü merangba osang ka nung ajemdaker Khonsa battalions nungi sepaitemi operation aoba mapang nung tatalokba balala nung November 17 aser November 18, 2018 anogotem nung old Laptang, Laptang aser Bourduria yimtsüngtem nung NSCN pur asem tepset, ta kasa sangdong nung shia lir.
“Parnok rongnung telungpur ana- Major Joiwang Mongchan aser Vicky ta ajasang Ponngam Kamhua na lir ta jangjaogo aser tasembubajibo mejangja. Parnok ket nungi HK33 automatic rifle ana, AK series assault rifle ka, injang aser tashishitsü kuli aika angu,” ta kasa sangdong ajanga metetdaktsü.