Arunachal nung mezüngbuba Digital yimtsüng lapokogo

Itanagar, April 23 (Agencies): Papum Pare district kübok Nirjuli village-1 ya Honibarnü Arunachal Pradesh nung mezüngbuba ‘digital’ yimtsüng ta sangdongogo.
Iba ya lapoktsüba sülen SBI, north-east circle chief general manager PVSLM Murty-i state sorkar dang lokti aser senotsüren tali tekeraba nung renloktsü asoshi tesendaktep tajungba küma yanglushitsü mepishi.
SBI-i parnok maparen ajak nung nungita yartsü sangdongba den külemi V-set linked customer service point (CSP) ajungkettsü asoshi nangzüka liasü. Pai ashiba agi, school tem ajanga item angazükdaktsütsü akoktsü aser iba asoshi SBI-i digitalisation, micro ATM, CSP ajungkettsü asoshi computer agütsütsü.