Arunachal nung NIA-i NSCN (IM) züngsem ka apu

New Delhi, April 6 (Agencies) : National investigating Agency (NIA), Guwahati branch-i Neyton Nokbi (Leyton) ta ser telungpur ka puogo.
Leyton ya Arunachal Pradesh kübok Tirap district nungi lir aser April 4 nü NIA-i pa apu.
April 2, 2015 nü Tirap district kübok Tupi yimtsüng anasa NSCN telungpurtemi IEDs pokdakja Indian Army convoy ka amakba ken o nung tai tonglokja Leytong apu. Iba lendong nung Army asem tashi asü aser asem yiru.
Leyton ya NSCN IM nung Sergeant lir. April 4 nü pa Yupia nung Special NIA Court dangi anir oa ken o benok aser pa NIA ket nung anogo tenetnü ayutsü atema temelaba agütsü.