Arunachal nung nisung 249 BJP nung züngsemogo

Tawang, August 28 (Agencies): BJP pur Northeast nung tali tashi iteshia Arunachal nung Lumla assembly constituency nung local MLA Jambey Tashi matsüngdang Honibarnü parnok 249 züngsemogo.
Party nung züngsem tasentem pela agizükba den külemi, Tashi-i züngsem tasentem dang party-i temolung lemtettsüsa alitsü asoshi ajungshi
Pai maneni züngsemtem dang osang mashimashi meperoktsü aser party anema inyakba maparen balala nung shilem magitsü asoshi kümdamgshia alitsü metetdaktsü.
Tashi ya RWD parliamentary secretary lir aser pai iba tesem loktiliba ren, rongsen ketsüng aser sobaliba tsütsü temeleneshi asoshi nokdaker aser ibaji dang masü tourism, agri-horti nung lenmangtem sadema aliba asadangtsü asoshi ajungshi.
“Ni shinga mebendangi Center aser state sentong balala jenjang ajak nung peridaktsütsü asoshi meranga arudar aser teti iba nung dang nokdaktsü. Ni nüburtem kangshiba jangjaa lir aser item ya asadangaa arudar,” ta pai ashi.