Arunachal nung Northeast 2016 film festival alitsü

Dimapur, January 19 (Agencies) : Arunachal Pradesh sorkari Film Federation of Arunachal (FFA) den yaritepa mezüngbuba Regional Film Festival, Northeast 2016 ayongzüker.
Iba benjung ya Itanagar nung February 12-20, 2016 tashi alitsü.
‘Saluting Talent, Nurturing Passion’ omen nung ajemdaker northeast state 8 nungi film yanglurtem adenshia kati ka metetteptsü aser ano pei indnag otsü, film aser art lemsateptsü nükjidong nung iba benjung ayongzüker.
Iba dak sendakba nung January 21, 2016 nü Dimapur nung osangbener senden ka alitsü ayongzüka lir.
Iba sendenji Hotel Lake Shilloi Conference Hall nung anepdang 10:00 ako nungi tenzüktsü aser Sonam Chombay, Secretary, IPR, Govt of Arunachal Pradesh aser Director, IPR CM Longphong nati osangbener den sensaksemtsü.