Arunachal nung NSCN (IM)-i NSCN (KK) züngsem ka khaset

Dibrugarh, March 1 (Agencies): Arunachal Pradesh kübok Longding district nung NSCN telok balala tsüngda khatepdang NSCN (KK) züngsem ka khaset.

Iba ya Chatung yimtsüng anasa arem ka nung atalok. Deobarnü parnok khatepdang NSCN (I-M) telungpurtemi NSCN (KK) züngsem Jomie Konyak khaset, ta security ketdangsürtemi ashi.

Jomie Konyak ya Nagaland kübok Mon district nungi liasü aser pa ya sergeant major Wanglem Wangsu lenisüba kübok mapa inyaka liasü, ta ketdangsürtemi ashi.

Tashiyim agi sen saruba maparen atema telok ana ya mapang tatsüka meputepi arur ta osang ajangasa ashi.

Iba tesemi security forces ogo aser telungpurtem aputsü atema mapa inyakdar, ta security ketdangsür kati ashi.