Arunachal nung NSCN telungpur ka khaset

Kohima, Yimpoksüi/November 18 (TYO): Tirap district kübok Laptang yimtsüng nung Yimpoksüi/Nov 17 anepdang NSCN telungpur ka khasetba sülen Khonsa battalion Security Forces temi maneni tesem balala mita odar. Tetuyuba balala dak ajemdaker Khonsa battalion puri jenshia orr aliba telungpurtem maneni bushidar.
Iba meita aoba sentong mapang Yimpoksüi/Nov 17 nikongtsütsü jenshia orr aliba telungpur telok ka aser security Forces, Borduria yimtsüng anasa khatepa liasü aser iba rara nung NSCN telungpur ka khasetogo.
Yimpoksüi/Nov 18 anepdang iba tesem temeket meita aoba mapang sepaitemi telungpur tasümang ka ngutet, pa ket nungi HK33 automatic rifle ka, injang aser tashishitsü aketba kuli kakettem bener lia ngutetogo. Maneni iba tesem nung jenshi orr aliba telungpurtem bushidar.