Arunachal nung NSCN züngsem 3 apu

Itanagar, March 20 (Agencies) : Arunachal Pradesh lushi nungi mapa inyaker Naga nunger telungpur asem tashi sepaitemi apu.
Taoba Brihostibarnü Tirap district kübok sepaitemi tatalokba balala nung NSCN züngsem asem apu aser parnokji Isak Muivah telok nungi ana aser Unification telok nung ka lir.
Sepaitemisa parnok ket nungi prangpong-injang aika ngutetogo, ta sorkar sangdong ka nung metetdaktsü.
Osang tejangja kar angazükba sülen Khonsa nung aliba Assam Rifles-i Lothang yimtsüng nung mita aodang alu ka nung NSCN(IM) züngsem ka apu. Pa dang asüngdangya asüba sülen sepaitemi ano NSCN(IM) züngsem ka apu, ta sorkar sangdong nungsa ashi.
Tena ket nungi 7.62mm AK 47 rifle ka, 7.65 mm automatic pistol ka, grenades, detonators aser injang aika ngutet, ta parnokisa shisem.
Ano, sepaitemisa Tirap district kübok Borduria tesem nung NSCN(U) züngsem ka apu.
Brihostibarnü ghonda 24 den tema bushitepa aoba sülen telungpurji apu, ta sangdong nungsa metetdaktsü.