Arunachal nung NSCN(U) züngsem ka apu

Dimapur, Aenjeti (January) 9 (TYO): Aenjeti (January) 8, 2018 aonung Arunachal Pradesh kübok Longding battalion-i NSCN(U) züngsem ka apu.
Iba nisung ya Private Khungam Pansa ta jangjaogo. Telungpur kati Zedua colony, Longding nung tashiyim agi sen sarur ta osang tejangja angazükba sülen sepaitemi pa apu. Pa ket nung pistol, injang aser opium bena liasü.
DAO Division kübok Longding battalion-i Arunachal Pradesh anüolentip tsütsü telungpurtem anema mapa inyaka arur. Iba tesem nung tensa süngjema lidaktsütsü aser telungpurtemi mapa meinyakdaktsütsü atema sepaitemi inyaka arur, ta Defence sangdong ka nung metetdaktsü.
Khungam Pansa dang asüngdangya asüdang pa 2016 nungi NSCN(U) züngsem ka lir ta nangzük.
Pa NSCN training camp ka nung training agi aser Longding district nung tashiyim agi sen saruyonga aru ta nangzük, ta Defence sangdong nungsa shia lir.