Arunachal nung President Rule ji Temzüng tepsetba lir: Kejriwal

New Delhi, January 24 (Agencies): Tanü Delhi Chief Minister Arvind Kejriwal-i, Cabinet-i Arunachal Pradesh nung President’s Rule atema benokba osang ajanga kanga aoksar, iba ya linük Temzüng tepsetba lir, ta ashi.
“Union Cabinet-i Arunachal nung President rule atema benokba ajanga aoksar. Republic Day atongtsü anogo ana lia linük Temzüng tepsetogo. BJP-i election tem nung tamakok nguogo. Tang parnoki kishi tesülen ajanga tashii arutsü meranger,” ta Kejirwal-i twitter ajanga ashi.
AAP tongti lenir Kejriwal-isa, “Tesüiba ita ana Arunachal Pradesh nung ataloka arubatemji ajanga Centre nung BJP sorkari Angh office tim mesüi tasa tamajung aika benoka amshiba angur, iba ya state sorkar atsüngdoker par party tesülen kishi nungi aittsü nükjidong nung inyakba lir,” ta ashi.
Yimtenren nung mangatettep adoka aliba state Arunachal Pradesh nung tanü Union Cabinet-i President’s Rule atema benoka liasü.

You must be logged in to post a comment Login