Arunachal nung rür kanga sashia ala

Itanagar, March, 19 (Agencies) : Brihostibarnü Arunachal Pradesh Namsai district nung rür kanga sashia alaba ajanga lokti aser nija meyong kiojen aika raksatsüogo.
Iba rür tesashi alaba ajanga ki, süngo lu, rubber lu aser süngolemba tsünüba atsütem aika raksatsüba den kiset shirurua aika samatsüba osang kanga shisa arudar, ta Hokolbarnü district commissioner RK Sharma-i metetdaktsü.
Iba rür yipru agi district atema Assam nungi abenba electric nung dena timtem agütsü, ta pai ashi.