Arunachal nung telungpurtemi BJP züngsem ka tepset

Itanagar, March 31 (Agencies): Honibar aonung Arunachal Pradesh kübok Longding district nung yimtenren mapa inyaker ka tepset.
Tasüsangji Seliam Wangsa ta jangjaogo aser pa ya Nginu yimer liasü. Pa ya Zila Parishad Member (ZPM) ka aser BJP candidate atema nüboyimtsür ka liasü.
60 Pongchao-Wakka A/C, Longding Dist nungi BJP candidate Honchun Ngandam atema Wangsa-i nüboyimtsü.
Wangsa dak tenük yokba ya tang mezüng masü. Yaküm telungpurtemi pa züka merenshi aser injang khaloktsü. Iba mapang pa ita asem jungnüa mozü kidang amung.
Wangsa ya taoba mapang NSCN-IM züngsem ka liasü aser election rally ka nung dener kidangi meyipa arur lia par kidang telungpurtemi khaset.
Anogo ana tejakdang Tirap district nunga NSCN-IM züngsemtem ta temulung melemi bilemertemi NPP züngsem ana dak injang khaloktsü. Iba tatalokba nung Zeli Anna ta nisung ka asü aser ka kanga mejungi yirur anepaludar.
April 11 nü Arunachal Pradesh nung Lok Sabha aser assembly elections külemi agitsü.