Arunachal nunger kati Mahindra’s Young Entrepreneur Award agizük

Itanagar, July 26 (Agencies): Arunachal Pradesh nungi nisung kati state nem konang tetushi bener aruja Mahindra’s Young Entrepreneur Award agizükogo. Iba sentong ya Greece nung agia liasü.
Iconic Automobiles, Naharlagun nungi entrepreneur, Wangchu Khrimey ya northeast nungi Mahindra’s entrepreneur award agizüker mezüngbuba lir aser 1945 nungi tang tashi nung iba tesem nungi Mahindra company ajanga dealer ka nem iba award mezüngbuba agütsür asütsü.
Iba award ya Mahindra tir aser CEO Rajan Wadhera-i Greece nung company Annual event nung agütsü. Iba award asütsütsü asoshi linük nung Mahindra dealer 350 aliba nungi shimmer.
Arishi küm 32 tain Wangchu ya Delhi University nungi Graduate asü aser Marketing nung MBA Symbiosis, Pune nung azüng. Pa ya taoba mapang MP aser Minister R. K. Khrimey aser T J Khrimey’er jabaso tanobusang lir.