Arunachal nungi tanur kati Salman Khan den külemi shilem agitsü

January 26, 2017 (Agencies): Bollywood film tem ya Northeast nüburtemi kanga sabur, saka item film nung Northeast nisung aikati shilem magiteter, saka Northeast nung aliba nisungtem dak kasa sempet tajung keta aliba asenoki angur.
Itanagar nungi küm pongu tanur, Matin Rey Tangu-i tang tesüsa Salman Khan den külemi ‘Tubelight’ film nung shilem agitsü. Iba film ya Kabir Khan-i zülu aser paisa direct asü aser Salman Khan tena sentepa yangluba film ka lir.
Tubelight film ya, 1962 küm China aser India tsüngda raraba indang otsü ka lir aser Matin Rey-i iba film nung kanga tongtibang shilem agir. Iba film ya India nung Leh, Manali aser Mumbai tesemtem nung tangok.
Matin ya Capt. Anupam Tangu aser Monisha Karbak’er tanur rongnung tanubusang lir. India nung film tangokba, Mukesh Chhabra Casting Company (MCCC) ajanga 2016, June ita tanurtem iba film nung shilem agitsü asoshi tendanga senzüba mapang Matin ya shimteta liasü.