Arunachal nungi tanur scientist temi Taiwan International Science Fair nung takok angu

Itanagar, February 9 (Agencies) : Arunachal Pradesh nungi tetsür kaketshir pezüi Taiwan International Science Fair nung jenjang tasembuba takok angu.
Iba sentong ya January 24 nungi 29 tashi Taipei nung liasü.
Vivekananda Kendra Vidyalaya Nirjuli (VKV Nirjuli) kaketshirtem Lishank Tasar (Class VII) aser Tadar Parte (Class VIII) nati Itanagar Capital Complex nung ‘traditional house architecture’ indang bushitetba ka sayu aser külen Vivekananda Kendra Vidyalaya Jirdin, Aalo kaketshirtem – Toyir Kamgo aser Zarnie Lollen nati Jirdin yimtsüng, Aalo sen süng akohba indang presentation ka sayu.
Par pezü nem medal, kulikaket aser $3,200 senpettem agüja liasü. Iba sentong nung linük 22 nungi tanur scientist 513-i project 153 tashi lemsatepa liasü.