Arunachal Pradesh nung Governor’s Award agutsütsü

Itanagar, March 09 (Agencies): Arunachal Pradesh nung sorkar indang college 14 nungi takotet kaketshirtem nem kümshia nüngtugu nisungtem nüngtem nung awards agutsütsü atema Nagaland aser Arunachal Pradesh Angh, P.B. Acharya-i achaayanga inyakogo.
College shia nungi academic, saisapong aser arts shia nung tajungtiba kaketshir asemsem nem item awards agutsütsü.
Angh, Acharya-i ashiba agi, item awards agutsüba ajanga kaketshirtemi academic, saisapong aser arts nung tajungtiba akumtsü ajungshitsü, iba den külemi parnoki state aser linük tenzüker nüngtugu nisungtem indanga bilemtettsü.
Item awards ji Rajendra Prasad, Lal Bahardur Shastri, Vishnu Sahaya, Eknath Ranade, Col. Luthra, R.K. Patir, KAA Raja, Daying Ering, Tomo Riba, Talom Rukbo, Lummer Dai, Indira Miri, Jikom Riba, CK Gohain Namchoom, Sobeng Tayeng, Indrajit Namchoom, Wangpha Lowang, Omem Deori, Nokmey Nimati, taoba state Chief Minister Dorjee Khandu, Kuru Hassang, Tadar Tang, Nyari Welly, Kop Temi, Tagi Raja, Matmur Jamoh, Marto Kamdak, Jomin Tayeng, Bini Yanga, Saint Narottam, Muktinath Borthakur aser Maj Bob Kathing nunger nüngtem nung agutsütsü.
College shia nung corpus fund ama sen lakh kaka fixed deposit nung ayutsü aser küm shia sen tetemlokji iba awards atema amshitsü.
Ano award angur shia nem Raj Bhavan nungi certificate kaka agutsütsü. Award angutsüpurtemji peipei college aser Raj Bhavan-i shimtsü.
Iba den külemi Raj Bhavan nung inyaker staff chirtema academic, saisapong aser arts nung tajungtiba akumtsü ajungshitsü atema awards agutsütsü, aser iba atemaji corpus fund asoshi sen lakh ka fixed deposit nung ayutsü.