Arunachal Pradesh nung NSCN(K) Over Ground Worker ka apu

Kohima, Rongchii (April) 04 (TYO): Security tensa nung ajemdaker tesünep alitsü atema DAO DIVISION kübok security sepaitemi South Arunachal Pradesh nung telungpurtem sashia mita odar, aser iba dak sendakba nung Changlang Battalion, Security Forces-i osang ka nung ajemdaker Rongchii (April) 3 aonung Lalpahar village, PS- Margherita mita ao, ta Col C Konwer PRO (Defence)-i sangdong ka nung metetdaktsü.
Mita aodang iba tesem nungi NSCN(K) Over Ground Worker, Paharpur village District Tinsukia nungi Limham Jugli apu, aser pa ket nungi point 22 pistol ka den injang pongu apu; asüngdangyaba mapang nung Over Ground Workers temi iba telok nungiter aser lisopurtem amokmerena telungpur telok atema sen akhanger ta jangja, ta kasa sangdong nung shia alir.