Arunachal Pradesh nung NSCN(K) züngsem ka aser OGW ka apu

Kohima, Rongjui/September 14 (TYO): Telungpur teloktem anema operation aoba mapang nung Longding Battalion-i Rongjui/September 14, 2018 nü Arunachal Pradesh kübok Niausa yimdak NSCN(K) züngsem ka aser OGW ka na puogo; tenaji A Tingmai aser Sikandra Sahni na liasü, ta jangjaogo, ta tanü Col C Konwer PRO (Defence)-i sangdong ka ajanga metetdaktsü.
Tena dang asüngdangyaba mapang nung NSCN (K) den tesendakatep aliba aser iba telok atema inyaktsüba tenati nangzük, ta sangdong nungsa shia lir.
Tena ket nung sen lakh 11 den sen akhangba shiditem angu, aser ibaji NSCN(K) Tangsang Wangcho Region Chairman, SS Col Bopa Wangno nem agutsütsü liasü, ta kasa sangdong ajanga metetdaktsü.