Arunachal Pradesh nung security sepaitemi ENNG telungpur pezü apu

Kohima, Rongchii (April) 18 (TYO): Rongchii (April) 17, 2018 nü Dao Division kübok Jairampur Battalion nungi sepaitemi Miao town, Changlang district nung telungpur mita aoba ajanga ENNG group (Eastern Naga National Govt Group) jenjang raksatsüogo, ta tanü AR sangdong ka ajanga metetdaktsü.
Security sepaitemi mita aoba mapang nung ENNG züngsem pezü den ENNG nung over ground worker ka densema apu; telungpur rongnung Major Thaimong Mossang aser Awang Hodung na densema lir, ta sangdong nung shia lir.
Telungpurtemi Miao jila nung kiralongratsü merangba den külemi recruitment mapa inyakdar, ta inatelligence osang ajanga angazükba sülen Jairampur Battalion sepaitemi telungpur mita oa melung malemba tesemji longbanga liasü. Iba mapang nungji telungpurtem jagi ajentsü merang saka sepaitemi parnok arishia parnok apu.
Iba tesem nung asüngdangyaba mapang nung parnok ajaki parnokji ENNG telok nungi lir ta nangzük, ta kasa sangdong ajanga metetdaktsü.