Arunachal Pradesh nung security sepaitemi NSCN(K) ka apu

Kohima, Luroi/August 23 (TYO): Security sepaitemi amalitepa operation aodang NSCN(K) akoksatsüsa Luroi/August 22, 2018 nü Khonsa Battalion-i Tirap district kübok Khogla yimdak NSCN(K) züngsem ka apu, ta Col C Konwer PRO (Defence) sangdong ajanga metetdaktsü.
Intelligence osang nung ajemdaker Khonsa Battalion-i mita aodang NSCN(K) nung Private, Haejam Wangsa apu; pa ket nung pistol ka, injang, sen akhangba shidi, opium aser tashishitsü aketba kulitem angu. Asüngdangyaba mapang nung pa NSCN(K) nungi aser 2014 küm nungi iba telok nung shilem agia inyaker, aser kidanger linük ka nung NSCN(K) camp ka nung ita asen hadir amshiba training agiogo, ta nagzük, ta sangdong nung shia lir.