Arunachal Pradesh nung shidi sen mamshitsü

Itanagar, January 22(Agencies): Hokolbarnü Arunachal Pradesh government-i Central government sentong ‘100 cities 100 melas’ mesüka ‘Digi Dhan Mela’ benoka shide sen mamshitsü telemtetba agiogo.
Digi Dhan Mela ya central government-i achaayangba sentong ka lir. November 8 nü nungi tenzüka sen 1,000 aser 500 demonetize asüba sülen India ajunga nung shidi sen mamshi-i shishilembatsü ajungshir.
Iba sentong nung o jembidang Civil Aviation Minister, Ashok Gajapathi Raju-i shidi sen mamshitsü merangba sentong nung neburtem ajungai nungita yaritsü asoshi ajungshi. Maneni Prime Minister Narendra Modi-i linük tejakleni anir aotsü merangba mapatem nung ajaki nungittsü asoshi mepishi.
“Asenok ajak külemi lungjemer meinyakra takok mangutsü, saka ajaki pei shilem inyakra tangar sülen kodanga masütsü,” ta Raju-i ashi. Pai maneni BJP government dak linük tejakleni anir aotsü asoshi tamang katetba lemsatep.
Union Minister of State for Home, Kiren Rijiju-i iba sentong neburtem ajaki molungsoa agizükba atema pelaba metetdaktsü, maneni iba sentongtem nebur ajak tongtettsü asoshi districts aser zillas (blocks) tem nunga ayongzüka agitsüla ta pai shisem.