Arunachal Pradesh sorkar mapa inyakertemi lungkak ait

Itanagar, Mongputeni (October) 12 (Agencies): Confederation of Service Association of Arunachal Pradesh (CoSAAP)-i Brihostibarnü state sorkar anema mapa meinyaki lungkak aitba sentong ka takok ngua agiogo.
All India Services (AIS) employees den kasa House Rent Allowance (HRA), New Travelling Allowance (TA), Dearness Allowance (DA), Tough Location Allowance (TLA) meshia CoSAAP-i taoba hopta tu October 11 nungi state sorkar anema lungkak aittsü ta amokmerena liasü.
CoSAAP nung Central Executive Committee (CEC)-i yashi sentong nung shilem agirtem ajak dang pelaba metetdaktsü.
“Takhangbatem asoshi telangzüba magütsüra onoki shilem lemsar lungkak aitba sentongtem maneni agitsü” ta CoSAAP president Pate Marik-i ashi.
State sorkar lungkak aitba nung shilem agirtem CCS (Conduct) Rules aser tanga Act/Rules kübok merenshitsü ta ashiba kukhua aitsür, ta CoSAAP-isa ashi.
Külen, Arunachal Chief Secretary indang office nungibo CoSAAP-i takok ngua lungak aitogo ta ashibaji tiyazü ta osang ka metetdaktsü.
“CoSAAP-i lungkak aitba sentong ayongzükba atema heads of department-i ghonda ana shia Chief Secretary indang office nem osang sangoktsü. Office ajak nung akhi ama mapa inyakogo” ta Chief Secretary indang office-i sangdong ka nung metetdaktsü.
Mapa inyaker kar pen/tool down sentong nung shilem agi aser parnok indang tenüngtem bendenogo aser “no work, no pay” tangatetba nung anogo ka sen katitsü, ta parnokisa shisem.
CoSAAP-isa 7th CPC allowance, All India Medical Attendance Rule, No Objection Certificate (NOC) system tenzüktsü atema takhangba agütsür.