Arunachal Pradesh sorkari PUBG game noktangtsü

Guwahati, July 30 (Agencies): Arunachal Pradesh sorkari parnok state nung PlayerUnknown’s Battlegrounds (PUBG) ta ajaba game noktangtsü atema mapa inyaker.
Secretary (Home), Government of Arunachal Pradesh Habung Lampung-i Commissioner (Law & Justice), Government of Arunachal Pradesh, Secretary (IT & C), Government of Arunachal Pradesh aser Director General of Police, Arunachal Pradesh nunger dangi shidi züluba nung Arunachal nung iba game noktangtsü atema inter-departmental osangtem sangokjang ta shia lir.
July 26, 2019 nü züluba shidi nungsa Governor’s Secretariat-i iba tebilemtsü atema olemtep ka tenzükba shia lir.
Alima nung kanga sapua asayaba smartphone game ya PUBG Corporation ajanga purapiteta yangluba lir. PUBG Corporation ya South Korean video game company Bluehole indang kongsang ka lir.
PUBG Mobile ya yaküm iOS aser Android device tem atema saya aser lanurtemi kanga sapua asayaba game ka kümogo.
India aser tanga linük kübok yimti aika nung iba smartphone game noktanga lir. National Child Rights Commission-ia iba game nung tashiyim yimya benshiba atema noktangtsü tebilemba ka metetdaktsüogo.
World Health Organisation (WHO)-i ICD 11 nung ‘gaming disorder’ ya tashidak ka lir ta züngokba sülen online video game addiction atema ashishitep ken o aika adoka jembir.