Arunachal Pradesh yipru nung nisung ka asü

Itanagar, May 2 (Agencies) : Tirap district kübok Khonsa jila nung Deobarnü yipru tesashi ka aonba ajanga nisung ka asü aser ana yiru, ta Hombarnü ketdangsertemi metetdaktsü.
Iba lendong nung asüsang den yirua alirtemji Assam kübok Karimganj nung aayangi arurtem liasü. Nisung anaji Konsa district hospital nung anepaludar, ta ketdangsertemisa metetdaktsü.
Iba tatalokba atema Angh, J P Rajkhowa-i tasür kibong nem sen lakh 1 aser yirua alir nem sen meyirjang 25 agütsütsüogo.
Ano, Chief Minister, Kalikho Pul-ia tasür kibong aser yirua alir nem sen lakh 4 teyari agütsütsü ta metetdaktsüogo.