Arunachal semdangtsü Dalai Lama nem temelaba agütsüogo

New Delhi, October 27 (Agencies): Arunachal Pradesh state semdangtsü atema Narendra Modi’er sorkari Tibet nunger tamang yimsü lenir, Dalai Lama nem temelaba agütsüogo, aser iba ya China linüki ashishitsüa akok.
Sangküm Dalai Lama-i hopta ana Arunachal Pradesh semdanga state nung tesem ka sema senzütsü.
Tawa US Ambassador, Richard Verma Tawang Festival nung adentsü atema Arunachal semdangba atema China-i sashia aija liasü.
Verma-i Arunachal asemdangba ashishia China-i, US tongti ketdangser kati arrtsü mangatettep aliba tesem semdangbaji ajanga India aser China arrtsü mangatettep ken o tebenjaba akumtsü aser tesem nung yimjung raksatsü, ta aija liasü.
1959 küm Dalai Lama-i par lima toktsür ajenba mapang nungi India nung jenoka lidar, aser sangküm Arunachal semdangtsü atema Centre sorkari pa nem temelaba agütsüba anema China-i ola adoktsüa akok.
Tang India nung Tibet nunger 100,000 shi jenoka lir.