Arunachal sorkar mapa nung alir parnok 4 apu

Itanagar, May 17 (Agencies): Arunachal Pradesh sorkar mapa inyaker 4 Assam nung puogo. Parnok ket nung merok keyi teküp ka aser teret ta bener lia apuba forest department ketdangsertemi Bodhbarnü metetdaktsü.
Forest ketdangsertemi ashiba agi, Arunachal Pradesh health department nung inyakertem ya Mongolbar nikongtsütsü Biswanath district kübok Dafalagarh süngo lu nung apu.
“Parnoki shiruru teküpji aser teret seret 5 shi, sen lakh 3 yong ayoktsü asoshi talir ka den jembiteper liasü. Parnoki amshiba motorcycle ana dena puogo,” ta forest ketdangsertemi osangbener dang ashi.
Bushisüngdang ajanga ngutetba agi, parnok ya ozüng alema arem shiruru akhaba maparen nung densema alitsü akok aser parnok ket nung merok keyi teküp aser teret bener alibaji Assam, Kaziranga National Park nung akhaba asütsü akok. taoba küm November ita forest ketdangsertemi Assam nung Manas National Park nungi Royal Bengal tiger ka teküp nguteta liasü. Iba keyi ya mim chidaktsür südaktsüba liasü. Iba dak sendakba nung taoba mapang National Democratic Front of Bodoland (NDFB) telungpur ka apu.